Синдром на полицистични јајници

Синдром на полицистични јајници (ПЦОС) е најчесто ендокрино пореметување кај жени во репродуктивна возраст. Се карактеризира со проблеми во менструалниот циклус ( ретки менструации или потполно отсуство на менструација ) кои настануваат поради ретки или отсутни овулации. Останати карактеристики на овој синдром се и зголемена влакнатост, проблеми со мрсна кожа, проблеми со коса и зголемена телесна тежина. Овие пациентки поради проблем со овулацијата често имаат и проблеми со плодност.

Третманот кај жени со ПЦОС зависи од актуелните желби и потреби на пациентката – дали главен проблем поради кој се јавуваат на лекар е нередовна менструација, козметички проблеми или поради неможност да се постигне бременост.