Центар за третман на рани

Центарот за нега на рани на пациентите им овозможува професионален третман на хронични рани од декубитуси, изгореници и дијабетично стапало со специјални хидрофибер покривки и хидроколоидни лепенки.
Третманот го извршуваат високостручни медицински сестри и лекар кој е во постојана соработка со дерматовенеролог и хирург се со цел да им се даде најдобра можна услуга на пациентите.

Третманот е достапен во амбулантски и во домашни услови.

Во центарот се вршат следниве услуги:

• Постоперативни рани, декубити, венски или артериски улкуси, отворени рани во склоп на дијабетско стапало;
• Третман на сите видови акутни и хронични рани со хидрофибер гази и хидроколоидни лепенки од програмата на Convatec;
• Третман на рани после царски рез и после хируршки операции;
• Земање мерки за профилактични, компресивни и антиемболиски чорапи за пациенти со нарушена венска циркулација и обука за нивно користење;
• Земање мерки на појаси за пациенти со кила на абдоминалниот ѕид, како и постоперативно за превенција на појава на кила на оперативната рана, хируршки градници и стабилизатори за импланти по вградување на градни импланти, компресивни мидери за жени, компресивни костими, елеци, стегачи за уши, маски за лице и др;
• Земање мерки за сите видови стегачи, бандажери, имобилизатори за превентивна или постоперативна примена за сите зглобови, вратот и торзото.

Користиме најсовремена технологија во третманот на рани, а клучни фактори кои ги издвојуваме за ефикасноста се типот на газите кои ги користиме и нормално вештините кои ги употребуваме.