Интраутерина спирала (IUD) претставува контрацептивна метода кај која во внатрешноста на матката се поставува мала, најчесто пластична спирала која содржи хормон или некој метал. Во зависност од типот, може да дејствува 3-5 години и потоа треба да се извади. Најдобар период за поставување е 2-5 дена после менструалниот циклус. Интервенција е едноставна, брза и безболна.
Вадење на спирала се прави со споро повлекување на конецот од спиралата. Доколку дојде до кинење на конецот или доколку спиралата е заглавена, интервенција се прави со инструмент. Најчесто за вадење на спирала не е потребна анестезија но доколку пациентот инсистира може да се даде.
