Поликлиника Мартини - Се што му е потребно на Вашето здравје, на едно место!

  • Јавете се на

    034 335 020; 071 296 515
  • Ул. Атанас Јанев 5

    2400 Струмица
  • Пон - Пет

    08:00 до 20:00

Дали сте гојазни?

Дебелината е комплексно хронично заболување кое се манифестира со прекумерна акумулација на маснотии во организмот и зголемување на телесната тежина. Честопати не се сфаќа доволно сериозно и се карактеризира првенствено како естетски проблем, што е сосема погрешно. Дебелината е поврзана со зголемен ризик од низа здравствени проблеми, како што се срцеви заболувања, дијабетес тип 2, висок крвен притисок…

Сепак, добра вест е дека дури и минималното губење на тежината може да ги подобри здравствените проблеми поврзани со дебелината. Новите навики во исхраната, зголемената физичка активност и другите промени во живот може да ни помогнат да се доближиме до оптималната тежина. Одредени лекови и операција се дополнителни опции во третманот на дебелината.

Како се препознава дебелината?

Се разбира, лесно можеме да видиме дека во некои делови од телото се создава вишок маснотии. Сепак, медицината ги смета пациентите дебели кога нивниот индекс на телесна маса (БМИ) е 30 или повеќе. Ние го пресметуваме индексот на телесна маса со делење на телесната тежина (изразена во кг) по квадрат (висина во м2).

 БМИ           СТАТУС

Под 18,5    слаба ухранетост

18.5-24.9  – нормална ухранетост

25.0-29.9  – прекумерна тежина

30.0-34.9  – дебелина  од  прв степен

35.0-39.9  – дебелина од втор степен

40.0 или повеќе –  дебелина од трет степен

Во повеќето случаи, високиот БМИ подразбира вишок на маснотии во организмот. Сепак, БМИ не мери директно маснотии во телото и кај некои луѓе, на пр. Кај професионалните спортисти кои имаат поголема мускулна маса, БМИ не мора да значи и вишок маснотии. Затоа е најдобро да се консултирате со експерт ако вашиот БМИ ја надминува нормалата.